Unë jam Ina, kështu më kanë quajtur që fëmijë, prandaj ky emër është më pranë zemrës time edhe pse emri im i plotë është Fatime Seda Bashllari.

Unë jam mësuese e gjuhës Angleze prej 7 viteve. Që kur isha studente kam nisur si mësuese në qëndra kursesh, më pas në  gjimnaz jo publik dhe 3 vitet e fundit si  pedagoge e jashtme në  Universitetin “Aleksandër Moisiu” Durrës. Unë jam githashtu dhe mami i dy fëmijeve Azalea 4 vjeç dhe Aciano 1 vjeç.
Ne vitin 2019 pasi u shkëputa nga shkolla ku punoja pas lindjes së vajzës edhe pse kisha punën më të  rëndësishme në botë, të qenurit nënë ,përsëri pasioni për mësimdhënien nuk më linte të isha e qetë.
Doja të bëja diçka tjetër, të ndihesha e dobishme, kështu që vendosa të hap faqen ” English with Ina“, të parën në Shqipëri.

Kam themeluar Seda Academy me një staf të kualifikuar dhe kemi pasur mbi 500 student të kënaqur. Ne ofrojmë kurse të gjuhës Angleze online për të gjitha nivelet duke u ardhur në ndihmë shqipëtarëve brenda Shqipërisë dhe në të gjithë botën të mësojnë gjuhën Angleze nga komoditeti i shtëpisë së  tyre.
Nuk mund të them se gjatë këtyre viteve çdo gjë ka ecur për mrekulli , jam përballur me vështirësi ,zhgënjime, njerëz të papërgjegjshëm.Ka pasur dhe moment kur kam dashur të heq dorë nga çdo gjë. Por jo, mbi të gjitha çdo eksperiencë më ka berë të mësoj dhe të rritem.
Prandaj unë dhe stafi im i mrekullueshëm jemi këtu t’i vijmë në ndihmë çdo personi kudo që ndodhet të mësoj gjuhën Angleze, gjuha që të hap të gjitha dyert në botë.